أكد الرئيس عبدالفتاح السيسي، رئيس الجمهورية ، اليوم السبت ، أن ما حدث في مصر خلال السنوات السبع الماضية كان بتوفيق كبير من الله، قائلا: “اللي اتعمل في مصر خلال السبع سنوات الماضية كان فيه توفيق كبير جدا جدا من ربنا”.
وأضاف السيسي، خلال افتتاح مشروع مستقبل مصر الزراعي، اليوم السبت: “قبل ما نعمل ده اتعمل لجنة من كبار رجال الدولة وأساتذة الجامعة وتم وضع تصور كامل علشان ننفذه وكل اللي بيتعمل يحقق أهدافه، مش ممكن نبني على خطوة ميكونش فيه أساس تحتها”.
وتابع : “إحنا كبشر ومواطن ماشي في الشارع يتحمل تبعات ده، ده كلام مهم أوي ناخد بالنا منه قبل ما نطرحه على الناس ونعمل منه سياق لرأي عام”.
وقال الرئيس إن الدولة تسير في مشروعاتها وفق خطة موضوعة من قبل متخصصين وخبراء.
جاء ذلك ردا من الرئيس السيسي على الانتقادات التي توجه لأولويات الإنفاق الحكومي والمشروعات التي تنفذها الدولة.
وأضاف : كل إجراء الدولة ماعملتوش بندفع تمنه دلوقتي، بتكلم في 40 و50 سنة مش 10 ولا 20 سنة.
وتابع : “زدنا 20 مليون في الـ 15 سنة اللي فاتوا، إحنا نمونا كدولة من حيث الإنتاج يقدر يكافئ ده ولا لأ؟، معندناش خيار تاني، طيب في ناس تقول ما نستورد من برا، ولكن الأزمة اللي موجودة دي كاشفة للأمر ده”.
وقال : إحنا بنتكلم من 200 لـ 300 ألف جنيه للفدان والمليون فدان بيتكلف 200 و300 مليار جنيه بالأسعار اللي قولنا عليها زمان.
