حرص الرئيس عبد الفتاح السيسي على الرد على الشائعات خلال كلمته بـ قداس عيد الميلاد المجيد بـ كاتدرائية ميلاد المسيح العاصمة الإدارية الجديدة.
وصارح الرئيس السيسي المصريين موجهًا له رسالة خاصة لهم خلال قداس عيد الميلاد المجيد، بـ كاتدرائية ميلاد المسيح العاصمة الإدارية الجديدة، قائلا: أنا سامع أن الناس في مصر قلقانة.. مش هقول أن الخوف غير مبرر، بس احنا مش بنخبي عليكم حاجة.
وأضاف الرئيس: لو سمحتم يا كل المصريين، أنا في كل مناسبة بتكلم وأقول الحكاية، عشان تبقوا عارفينها متديش ودنك لحد مش مسئول.
وأردف: كل واحد يعرف على قده، موظف ومدير واللي بعده، لحد ما نوصل لأعلى منصب.. يعني حد هيعرف زي قداسة البابا في شئون الكنيسة؟ أكيد لا”.
وأكمل: هتلاقوا ناس بتتكلم كلام كتير، واللي بيتكلم مايعرفش.. فيقولك خلي بالك قناة السويس مش عارف هيعملوا فيها إيه وهيبيعوا حاجة.. لو فيه حاجة هعملها هقولكم كلكم”.
وتابع :”إحنا كحكومة ودولة حرصين على التعامل مع الأزمة الكبيرة الموجودة في العالم، اللي تأثيراتها ضخمة جدا.
وأتم: الدنيا هتبقى بعد الأزمة الأخيرة مختلفة عن الدنيا اللي شفناها قبل كده، والأزمة الاقتصادية هتأثر في الكل كتير لو الحرب استمرت”.
