أوضح الرئيس عبدالفتاح السيسي ، رئيس الجمهورية ، اليوم السبت ، سبب عدم زراعة كل الأراضي الزراعية الجديدة التي يتم استصلاحها وتصل إلى مليون فدان بالقمح فقط.
وقال الرئيس ، خلال افتتاح مشروع مستقبل مصر الزراعي : “ليه منرزعش كل الأراضي الزراعية قمح.. ودا سؤال مهم ممكن الناس تسأله ولازم نرد عليه دلوقتي، على سبيل المثال بالتنسيق مع وزارة الزراعة، فيه زراعة لإنتاج التقاوي.. الأرض أرض جديدة بعيد عنها الأمراض والكلام دا، وبالتالي هي أرض على بعضها ولما نيجي نخش نعمل حاجه ينتجها في 10 آلاف فدان، يقدر يطلع في الـ 10 آلاف فدان البرنامج اللي عاوزه.
وأضاف : لو محتاج 20 أو 40 لحد 60 ألف دي نقطة.. والنقطة التانية إحنا حريصين على إنتاج منتجات أخرى، الموضوع مش قمح فقط، لا ده قمح وذرة وغيره.
وتابع الرئيس : “الفكرة اللي عاوز أقولها في الموضوع ده، إن المكان اللي بنتكلم فيه هو قريب جدا من أسواق القاهرة والجيزة والإسكندرية.
وقال: أنا مقدرش أزرع القمح كله سنة في نفس الأرض، ووزير الزراعة يردني، ماينفعش نزرعها كل سنة قمح قمح قمح، فالتدوير في الزراعة يحافظ على خصوبة التربة وجودة المشروع”.
