أكدت الفنانة غادة إبراهيم ، حزنها الشديد على وفاة الفنان القدير سمير صبري ، الذي رحل عن عالمنا الجمعة الماضية بعد صراع مع مرض السرطان.
وقالت غادة إبراهيم إنها أصرت على حضور جنازة سمير صبري لعشقها وحبها الشديد له، مشيرةً إلى أنها دعت له كثيرا أثناء صلاة الجنازة، قائلة: صلت 7 ركعات على سمير صبري دعت له فيهم كلهم ومدعيتش لنفسي.
موضوعات تهمك
وأضافت : يستاهل الدعاء، ويستاهل كل حاجة حلوة، راجل محترم ماسبش حد، وفي مشكلتي مسابنيش، والله ما سابني، الله يرحمه ويحسن مثواه، مسابش حد مريض، مسابش حد في زنقة.
أزمتها فى الجنازة
وكشفت غادة إبراهيم تفاصيل أزمتها في جنازة الفنان الكبير سمير صبري، بعدما امتنعت عن استقلال الباص الخاص بالفنانين المرافقين لجثمان صبري، وتشييعه إلى مثواه الأخير.
وتابعت : خلصنا صلاة الجنازة، ونزلت سلمّت على دكتور أشرف زكي، وأغلب الفنانين لأني مبخرجش كتير وبقالي فترة مشفتهمش، وكان معايا إحدى زميلاتي من الوسط الفني، وقولت لها أنا لسة جاية من إسكندرية.. أنتي عايزة تعملي إيه؟، قالت إيه رأيك نروح في الباص؟.
وأضافت: بصيت للباص هو كبير بتاع سياحة، قولت لها أنا مقدرش.. ده لو ركبت الباص ده يجيلي ديسك لو قعدت المسافة دي كلها فيه، عندي عربيتي بـ سواق وأنت نفس الشيء اللي عايزاه نطلع بيه.. دخل علينا راجل محترم قال لي حضرتك إسكندرانية؟ قولت آه ومن بلديات أستاذ سمير، قال طب ما كلهم رايحين إسكندرية للمدافن في المنارة بالباص.
